Ракометарите на Вардар ќе го пречекаат дански Алборг во 3. коло од новата сезона во Лигата на шампионите.
Крилото на „црвено-црните“ Тимур Дибиров вели дека иако имаат тежок распоред во Бундеслига ритам, атмосферата во тимот е одлична по победите над Мешков и Пелистер.
„Има добра атмосфера во екипата по победите над Мешков и Пелистер, но мора да разберете дека нам не нѐ интересира што било туку што ќе биде. Ние сме во таков ритам, со многу натпревари, па не можеме да направиме добар тренинг. А ние со еден состав играме во ЛШ, со друг во македонско првенство. Еве денеска е малку порелаксиран ден, играчите кои игравме со Еурофарм Пелистер малку ќе одмориме, ќе одработиме тактички тренинг. Овој ритам е ритам од Бундеслигата. Ние нека продолжиме да плачеме, само да победиме против Алборг. Јас мислам дека секоја екипа има слабост, дури и ваква како Алборг. Тие се противник од типот на Елверум, многу трчаат имаат силно темпо. Е наша задача ќе биде да ги извадиме од ритам, од таа нивна комфорна зона, да мора да ги запреме, да ги натераме да играат без топка. Тоа е како во боксот, оној што знае да се адаптира на противникот има предност.“, изјави Дибиров.
Натпреварот меѓу Вардар и Алборг кој ќе се игра во СЦ „Јане Сандански“ во Скопје е закажан за утре со почеток во 18.45 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
