По интересните три средби со кои беше отворена новата сезона во македонското кошаркарско првенство, возбудувањето продолжува денеска со натпреварот на АБА-лигашите, Пелистер и МЗТ Скопје во Битола со почеток од 18 часот и 30 минути.
Дуелите на овие два тима претходната сезона ни приредија одлична кошарка, а во регуларниот дел од сезоната бодовите беа поделени со одбрана на домашниот терен. „Зелено-белите“ и „сино-белите“ повторно се сретнаа во полуфиналето во кое битолчани настапија без тренерот Марјан Илиевски и повредениот Бојан Трајковски па избраниците на Дарко Радуловиќ успеаја да го надиграат противникот.
МЗТ Скопје за денешниот дуел ќе отпатува во Битола со ослабен состав без Мекиќ, Крстевски и Рикиќ, но и покрај тоа овој меч ќе биде добра подготвка за двата тима за престоечкиот турнир на АБА2 лигата кој ќе се одржи на Златибор од 10. до 14. октомври.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
