Александар Ашаданов, новиот предводник на нашата женска сениорска репрезентација го објави списокот на кошаркарки на кои планира за квалификациите за Еврoбаскетот во 2023 година.
За дуелите со Германија и со БиХ, смета на вкупно 24.кошаркарки. Во наредниот период, се од официјалниот почеток на подготовките, предвиден за 4. ноември, селекторот ќе искомуницира со сите повикани кандидатки, по што ќе биде познато кои од нив ќе се појават на подготовките во Скопје.+
Првиот натпревар од квалификациите за Европското првенство кое во 2023 година ќе се одржи во Словенија и во Израел, нашиот најдобар женски национален тим ќе го игра на 11. ноември, во Хале, место блиску до Лајпциг, со почеток во 19.30 часот.
Вториот меч ќе го играме на домашен терен, на 14. ноември, во салата на СРЦ „Кале“ во Скопје, со почеток од 19.часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
