Претседателот на судискиот комитет на УЕФА Роберто Росети, коментирајќи го голот на Килијан Мбапе против Шпанија во финалето на Лигата на Нации, најави дека е можно менување на правилото, односно решенија за ова да не се случува.
„Тејлор донесе вистинска одлука врз основа на постојното правило и неговото толкување. Играчот сакаше да игра, но не играше. Но, овој случај ни покажува дека правилото во суштина е во спротивност со суштината на правилото офсајдот, односно да се спречи секој играч да ја искористи предноста на позицијата да биде зад одбраната.
Позицијата на УЕФА е дека постојат начини тоа да се подобри, и да се усогласи со правилото офсајд во духот на играта. Веќе контактирав со моите колеги од ФИФА и ИФАБ, и ќе разговарам за можните решенија“, рече Росети.
Голот предизвика многу реакции, а објансувањето беше дека Ерик Гарсија сакал да игра со топката. Дури и тој самиот рече дека правилото е глупост и дека нормално тргнал по топката, но дека не играл со неа, а доколку Мбапе бил во офсајд, тогаш тоа мора да се сигнализира.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
