Селекторот Кире Лазаров го објави списокот на ракометари кои се повикани за претстојната ЕХФ-седмица, што Македонија ќе ја искористи за двомеч со силен противник – репрезентацијата на Египет закажан за 5 и 6 ноември во Каиро.
Лазаров реши да повика тројца ракометари на Алкалоид, и тоа Мартин Серафимов и Игор Ѓоргиев, кои беа дел од националниот тим и во минатиот циклус, како и Кристијан Симоновски.
Во репрезентацијата се враќа и Томи Јагуриновски, кој неодамна направи трансфер од Вардар во исландски Тор, како и младите Митев и Атанасијевиќ, кои имаа одлични настапи за младата репрезентација на последниот ЕХФ-шампионат во Скопје.
Собирот е закажан на ден 31.10.2021 година со почеток во 14:00 часот во Хотел Александар Палас во Скопје.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
