Маурисио Покетино нема да може да смета на Нејмар за натпреварот од Лигата на шампионите против Лајпциг. Нејмар се повреди за време на паузата за репрезентацијата на Бразил и натпреварите во квалификациите за СП и нема да може да настапи за Пари Сен Жермен на дуелот против Лајпциг во Лигата на шампионите.
Бразилецот веќе го пропушти натпреварот во Лига 1 против Анже.
„Како и секогаш, приоритет е здравјето на играчите. Нејмар има помал проблем и се надеваме дека ќе ни се придружи во наредните денови“, рече Маурисио Покетино на прес-конференцијата.
Поради суспензијата, во составот на „светците“ нема да биде ниту Анхел ди Марија, како и неподготвените Лидеро Паредес и Серхио Рамос. Пари Сен Жермен го пречекува Лајпциг на „Паркот на принцовите“ во вторник во 21 часот. Во групата А, Парижаните се први со четири бода колку и Клуб Бриж, Манчестер Сити има три бода додека Лајпциг има два порази.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА