Антонио Касано повторно предизвикува контроверзии давајќи изјави за Кристијано Роналдо. Поранешниот италијански фудбалер кој играше за Реал Мадрид, Рома, Сампдорија, Интер, Милан, рече дека за него Роналдо не е ниту меѓу првите пет во историјата.
„Доста со тој театар. Роналдо најдобар во историјата? Тој не е ниту меѓу најдобрите пет. За мене Меси, Пеле, Марадона, Кројф и феноменот Роналдо се на друго ниво“, рече Касано.
Зборувајќи за сегашната ситуација во фудбалот и трансферите, кажа дека само прашање на ден е кога Халанд ќе му се приклучи на Реал Мадрид.
„Ми рекоа дека Баерн сака да го ангажира Халанд, а дека Левандовски сакал да оди во Реал. Реал сака да ангажира напаѓач за неколку години, а не за една до две. Затоа Халанд еден ден ќе биде дел од Реал, 100% сум уверен“.
Касано пред неколку месеци кажа дека Роналдо е истрошен играч.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
