Вест Хем и Лион се на прагот да изборат место во следната фаза од Лига Европа откако англискиот и францускиот клуб се единствените два тима кои по три одиграни кола имаат перфектни „три од три“.
„Чекичарите“ по победите над Динамо и Рапид Виена со по 2-0, денеска славеа и над Генк, но овој пат уште по убедливо со 3-0. Победата ја најави Доусон во 46. минута, Диоп донесе двојна предност во 57. минута, а две минути подоцна Боувен ги реши сите дилеми на мечот.
Our #UEL campaign so far: WWW#WHUGEN pic.twitter.com/t7vBWjPSj3
— West Ham United (@WestHam) October 21, 2021
Лион пак го одигра еден од најинтересните натпревари во досегашниот дел од сезоната откако во натпревар со седум погодоци и многу тензија славеше на гостувањето во Чешка против Спарта Прага со 3-4.
Францускиот тим имаше негатива од 2-0 веќе во 19. минута од мечот, а преку Екби во 42. минута успеа да го намали водството на Чесите. Ауар донесе изедначување во 53. минута, а во 67. минута Пакети стрелаше за целосен пресврт. Лион остана со играч помалку во 74. минута по вториот жолт картон на Густо, но тоа не го спречи Екамби да постигне гол за водство од 2-4 во 88. минута.
На домаќинтие во 93. минута им беше поништен погодок поради офсајд, а во шестата минута од судиското продолжение Крејчи го постигна и третиот гол за Спарта, кој беше само ублажување на поразот.
🔥 La passe de trois pour la #TeamOL ! 🔴🔵
Menés de deux buts, nos Lyonnais ont renversé la vapeur dans un match fou et l’emportent 4 buts à 3 pour continuer leur sans-faute en @EuropaLeague ! 💪
L’OL conforte sa première place du groupe, avec 9 points au compteur !#SPAOL pic.twitter.com/gQb1Y5HAHM
— Olympique Lyonnais (@OL) October 21, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
