Лос Анџелес Лејкерс го претрпеа и третиот пораз на почетокот на новата сезона во НБА лигата. Овој пат тимот од „градот на ангелите“ потфрли на гостински терен против Оклахома со 123-115.
Лејкерс по првата четвртина имаа предност од 41-19, а во текот на мечот и позитива од 26 поени, но кога се чиниеше дека овој натпревар ќе биде само формалност гостите потфрлија. Tоа го искористија домаќините кои во третата четвртина постигнаа 41 поен и поведоа во мечот, а во одлучувачките 12. минути успеаја и да слават.
Во отсуство на Леброн Џејмс товарот падна вез дуото Дејвис-Вестбрук. Центарот натпреварот го заврши со 30 поени и 8 скока, додека бекот го забележа првиот трипл-дабл во дресот на Лејкерс (20 поени, 14 скока и 13 асистенции), но стигна и до несллавен „кватрипл-дабл“ дополнет со 10 изгубени топки, кој за плејмејкерот е шестти во кариерата.
Most quadruple-hobbles (triple-double with 10 turnovers) since 1985:
6 — Russell Westbrook
3 — James Harden
1 — 6 players tied pic.twitter.com/dyFNASfGxy— StatMuse (@statmuse) October 28, 2021
Притоа Вестбрук го одбележа мечот со катастрофален шут погодувајќи само две од осум обиди за три поени, односно само осум погодени обиди од 20 шута, а доби и исклучувачка лична грешка откако влезе во расправија со Бејзли.
Домаќините со победата ставија и крај на неверојатната серија на тимот од Лос Анџелес која трае 25 години. А, истата бележеше 230 натпревари без пораз во кои Лејкерс имале предност од 25 поени или повеќе.
The Lakers entered play with a 230-0 record (including playoffs) when leading by at least 25 points in a game over the last 25 seasons.
They led by 26 tonight, their largest blown lead over that span. pic.twitter.com/2fd5GdH5Dd
— ESPN Stats & Info (@ESPNStatsInfo) October 28, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА