Милан стигна до десетата победа во италијанското првенство откако славеше во дербито на 11. коло на гостувањето против Рома со 1-2. „Росонерите“ денеска беа далеку подобар противник и сосема заслужено стигнаа до нов триумф.
Златан Ибрахимовиќ го отвори натпреварот со гол од слободен удар во 26. минута од мечот, а овој резултат остана на семафорот до крајот на првото полувреме. Швеѓанецот повторно стрелаше во 50. минута, но тој погодок беше поништен поради офсајт, но седум минути подоцна гостите стигнаа до посакувната предност од 2-0 откако Кеси реализираше пенал.
„Росонерите“ останаа со играч помалку во 66. минута откако Тео Хернандез го заработи и вториот црвен картон, а тоа го искористи Рома за во третата минута од судиското продолжение преку Ел Шарави да го ублажи поразот.
Со овој триумф Милан останува на врвот на табелата заедно со Наполи со по 31 освоен бод, а Рома го завзема четвртото место на табелата со 19 освоени бода.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
