Екипата на Алкалоид веќе започнува да пишува своја клупска историја со обезбедениот пласман во осминафиналната групна фаза од Купот на Македонија, откако во 1/16-финалниот натпревар славеше против суперлигашот Радовиш со 39-27 (17-15).
Ако првиот дел мина низ резултатска израмнетост, ракометарите на Алкалоид целосно доминираа уште од почетокот на вториот па брзо дојдоа до предност од 21-15 со која ја најавија победата.
Победничкиот состав беше предводен од Александар Стојков со 13 гола а Мартин Серафимов постигна седум погодоци. Кај Радовиш се истакнаа Ангелче Органџиев со седум гола.
Место во осминафиналните групи обезбеди и Аеродром кој славеше до 29-24 против Младост Богданци. Најефикасен во победничкиот тим беше Андреј Петрески со 12 постигнати гола, а кај Младост се издвои Никола Роглев со шест гола.
КУП НА МАКЕДОНИЈА – 1/16-ФИНАЛЕ
12/11, Охрид – Преспа 38-21
12/11, Металург – Јехона 44-22
13/11, Голден Арт – Партизан Гевгелија 41-19
13/11, Тинекс Пролет – Кичево 51-20
13/11, Јуниор КВ – Куманово 32-29
13/11, Скопје – Текстилец 35-19
13/11, Работнички – Драчево 25-30
13/11, Македонија Ѓорче Петров – Струга 26-37
13/11, Еурофарм Пелистер 2 – Металург РА 38-18
13/11, Астраион – Прилеп 25-37
13/11, Борец – Тиквеш 26-35
13/11, Бутел Скопје – Вардар Неготино 35-25
13/11, Шампион – Еурофарм Пелистер 13-40
14/11, Аеродром – Младост Богданци 29-24
14/11, Алкалоид – Радовиш 39-27
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
