После „пировата“ победа на Романија над Лихтенштајн во Вадуц, селекторот на романскиот национален тим Мирел Радои потврди дека заминува од функијата. Радои кажа дека овие квалификации ги смета за неуспех, и дека неговиот договор завршува, а одлучил дека нема да го продолжи.
Призна дека после дуелот со Лихтенштајн, и дознавањето на резултатот од Скопје, им соопштил на играчите дека се разделува, и декап пуштил и некоја солза во соблекувалната.
„Ова е мојата последна прес-конференција како селектор на Романија. Ја донесов одлуката. Не успеавме да се пласираме на второто место и за мене работите се јасни. Одлучив да не го продолжам договорот со романската федерација, кој ми истекува на крајот од месецот. Не ми беше лесно. Им кажав на момците и плачев во соблекувалната. И мажите понекогаш плачат“, рече Радои на прес-конференцијата во Вадуц.
Романија ја испушти шансата за бараж по ремито 0:0 на домашен терен со Исланд, со што чекаше Исланѓаните истото да го сторат во Македонија, но не успеаја. Вечерва во Скопје се славеше, а во Романија се тагуваше поради тоа што не успеаја да обезбедат пласман во баражот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
