Вардар не успеа да извлече ниту бод во двете директни пресметки со најголемите конкуренти за водечките две места на табелата во Втората лига – Запад. По поразот од Силекс во претходното коло, „вардарци“ денеска во Охрид загубија и од Воска Спорт во директниот дуел за второто место.
Воска славеше со 2-1 со головите на Изаир Емини во 6. минута и Елмир Алији во 43. минута. Трајче Стојковски во 87. минута го постигна почесниот гол за Вардар.
Силекс, пак, продолжува со победничкиот ритам триумфирајќи убедливо со 3-0 против Охрид со два гола на Каланоски и еден на Танушев.
Тетекс славеше со 0-1 на гостувањето против Кадино со голот на Дамјан Масевски уште во 10. минута.
РЕЗУЛТАТИ – 12. КОЛО
Воска Спорт – Вардар 2-1
Силекс – Охрид 3-0
Кадино – Тетекс 0-1
Беса – Гостивар 1-1
Велешта – Кораби 2-2
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
