Италијанката Софија Гоџија продолжува да доминира во спуст трките сезонава во Светскиот куп во алпско скијање. По воведните две победи, таа денеска беше најбрза и на спустот кој се возеше во францускиот ски-центар Вал Д’изер.
Гоџија до победата стигна со време од 1:41.71 минута, што беше за 27 стоти делови од секундата побрзо од второпласираната Американка, Бризи Џонсон. Третото место и припадна на Мирјам Пухнер од Австрија која доцнеше 91 стотинка зад времето на победничката.
Со овој триумф Гоџија го презеде водството и во генералниот пласман во Светскиот куп, пред Микаела Шифрин и Петра Влхова кои не настапија на денешната трка.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
