Кошаркарската федерација на Македонија со свечена церемонија во просториите на хотелот Лимак во Скопје ги прогласи најуспешните кошаркари и кошаркарки за 2021 година. Епитетот најдобар кошаркар му припадна на Андреј Магдевски, додека признанието за најдобра кошаркарка го доби Анџелика Митрашиновиќ.
КФМ, меѓу другото, избра и најуспешни клубови, тренери и спортски работници за изминатава година. Епитот најдобар клуб во сениорска конкуренција го понесе КК МЗТ Скопје Аеродром, додека во женската конкуреција истиот и припадна на ЖКК Баскет Кам. Признанијата за најдобри тренери ги добија Горан Самарџиев во машка и Александар Ашаданов во женска конкуренција.
Посебни награди добија и членовите на кошаркарската селекција на Специјалната олимпијада, а постхумано им беа доделени пофалници на Благоја Георгиевски – Буштур, Анте Дуковски, Марјан Лазовски, Војислав Зивчевиќ и Драган Василов Цевка.
НАЈДОБРИТЕ ВО МАКЕДОНСКАТА КОШАРКА ЗА 2021 ГОДИНА
⋅ Најдобар кошаркар: Андреј Магдевски – Плоешти, Романија
⋅ Најдобра кошаркарка: Анџелика Митрашиновиќ – Тарбес, Франција
⋅ Најдобар млад кошаркар: Теодор Симиќ – Барселона, Шпанија
⋅ Најдобра млада кошаркарка: Михаела Алексовска – Крива Паланка
⋅ Најдобра машка екипа (сениори): МЗТ Скопје Аеродром
⋅ Најдобра женска екипа (сениорки): Баскет Кам
⋅ Најдобра машка екипа (младински лиги): Работнички
⋅ Најдобра женска екипа (младински лиги): Бадел 1862
⋅ Најдобар тренер на машка екипа (сениори): Горан Самарџиев – Еуро Никел 2005
⋅ Најдобар тренер на женска екипа (сениорки): Александар Ашаданов
⋅ Најдобар тренер на машка екипа (младински лиги): Андреј Апостолски Лечиќ – Работнички
⋅ Најдобра тренерка на женска екипа (младински лиги): Анета Глигорова – Бадел 1862
⋅ Најдобар играч во 3 на 3: Ервин Цого – Кино Влае
⋅ Најдобра екипа во 3 на 3: Кино Влае
⋅ Најдобар кошаркарски судија: Игор Митровски
⋅ Најдобар македонски репрезент во странство: Емил Рајковиќ – Автодор Саратов, Русија
⋅ Најдобра младинска репрезентативна селекција: Женската репрезентација под 16 години
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
