По одличните настапи во есенскиот дел од сезоната и во тимот МТК и во репрезентацијата, Бојан Миовски се наоѓа во фокусот на вниманието на големите клубови низ Европа.
Според унгарските медиуми, неколку клубови во зима веќе пројавиле интерес да го ангажираат, а МТК веќе одбил една понуда од 1 милион евра. Засега не е откриено за кој тим станува збор, но јасно е дека МТК нема да го пушти Миовски за отштета под 2 милиони евра.
Според најновите информации, Миовски е на „радарот“ на неколку германски и италијански клубови, меѓу кои и Фрајбург и Аталанта. Исто така интерес постои и од Славија Прага.
Сезонава во Унгарија Миовски одигра 17 меча во кои девет пати стрелаше во противничката мрежа. Исто така го имаше и дебито за репрезентацијата, а сега го чека можен трансфер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
