Еден од најдобрите српски кошаркари во моментов, Милош Теодосиќ, не е потешко повреден по вчерашниот инцидент на мечот на Виртус против Реџо Емилија, кога се лизна на една од рекламните налепници на паркетот, по што мораше да биде изнесен на рацете на соиграчите.
Тоа се случи во последната минута од средбата, кога му лизна левата нога по што остана да лежи со болна гримаса држејќи се за коленото. Денешните детални прегледи покажале дека нема кинење на предните лигаменти, од што сите се плашеа, туку само посериозно истегнување, кое носи пауза од дваесетина дена.
Ова е фантастична вест за Србинот, со оглед што многумина веќе му прогнозираа и крај на кариерата, со оглед на тоа како изгледаше падот и каква беше гримасата на неговото лице кога беше изнесуван од теренот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
