Јануари е месец резервиран за ракометни возбудувања, а со денешните дуели во Дебрецин, Будимпешта, Сегедин, Кошице и во Братислава и официјално ќе биде означен стартот на шампионатот кој ќе го даде новиот владетел на ракометна Европа за наредните две години. Ова е шесто европско првенство во низа во кое ќе учествува и селекцијата на Македонија, која ќе биде дел од групата А, а премиерниот дуел во Дебрецин ќе го игра во 18 часот против Словенија.
Шпанија ќе ја почне одбраната на трофејот со дуел против Чешка, а од останатите конкуренти за медал Данска е суперфаворит против десеткуваната Црна Гора, Шведска не би требало да има никакви проблеми со БиХ, исто како и Норвешка против Словачка, како и ко-домаќинот Унгарија во пресметката со Холандија.
Дербито на првото коло се игра во Сегедин, каде Хрватска ќе ги одмери силите со Франција. И двете селекции се соочија со низа проблеми во текот на подготовките, но „коцкестите“ ќе бидат сериозно засилени со враќањето на Дувњак и на Циндриќ, бековите на Кил и на Барселона добија по два негативни теста и се упатија кон Сегедин и се очекува да бидат предводници на Хрватска во денешниот дуел.
ДЕНЕСКА НА ПРОГРАМАТА
18 ЧАСОТ
Словенија – Македонија
Русија – Литванија
Србија – Украина
Шпанија – Чешка
20.30 ЧАСОТ
Данска – Црна Гора
Хрватска – Франција
Унгарија – Холандија
Норвешка – Словачка
Шведска – БиХ
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
