Германскиот тенисер, Александар Зверев успешно ја помина првата пречка годинава на Австралија опен, откако во воведниот меч славеше над својот сонародник Даниел Алтмајер со максимални 3-0, по сетови (7-6, 6-1 и 7-6).
Во првиот и третиот сет 87. рекет во светот му пружи голем отпор на фаворитот, додека вториот сет Зверев го доби со убедливи 6-1. Во второто коло третиот носител за противник ќе го има домашниот тенисер Џон Милман кој беше подобар од Шпанецот, Фелисијано Лопез со 3-1 (6-1, 6-3, 4-6 и 7-5).
Пласман во второто коло обезбеди и Појакот, Хуберт Хуркач кој со 3-1 (6-2, 7-6, 6-7 и 6-3) беше подобар од Белорусинот Егор Герасимов.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
