Кошаркарот на Феникс, Девин Букер постигна 48 поени во победата на Феникс над Сан Антонио, додека нов блесок направи Лука Дончиќ кој дојде до трипл-дабл учинок во триумфот на Далас над Оклахома.
Младиот Букер беше најзаслужен во победата на својот тим над Сан Антонио, на крајот убедливо со 121:107. Спарси беа рамноправни до последниот период, а потоа Санс со импресивна партија ја добија четвртата четвртина 34-16, која беше клучна за победата.
Далас во целосно неизвесен натпревар го совлада тимот на Оклахома со 104-102. Лука Дончиќ постигна 20 поени, 11 скока и 12 асистенции, со што го предводеше својот тим до победата. И Далас како и Феникс, до победата дојде во последниот период кој го реши во своја корист со три разлика.
Кошаркарите на Лос Анџелес Лејкерс дојдоа до триумф над Јута со 101-95. Лејкерси направија голем пресврт во последниот период, откако Јута во третиот период имаше предност и над 10 разлика. Во четвртата четвртина на стартот Лејкерси имаа проблеми, и тука Јута водеше со девет поени разлика, и кога се чинеше дека ќе дојде до победа, Лејкерси направија голем пресврт. Со серија од 9-0 ја стигнаа разликата, а потоа дојдоа и до водство кое го зголемуваа се до крајот на мечот кога Јута само успеа да намали.
РЕЗУЛТАТИ
Далас – Оклахома 104:102
Атланта – Милвоки 121:114
Орландо – Порталд 88:98
Мајами – Торонто 104:99
Феникс – Сан Антонио 121:107
ЛА Лејкерс – Јута 101:95
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА