Марјан Илиевски има причина зазадоволство откако неговите избраници одиграа одличен меч и го декласираа составот на Младост Земун со убедливи 99-83.
Со овој резултат Пелистер ја прекина серијата порази во АБА2, но и потврди дека нема предвреме да се откаже од борбата за место меѓу најдобрите осум во регионалното натпреварување, без оглед на слабиот старт на сезоната.
„Ние сме нови во ова натпреварување и ни требаше еден период за прилагодување на силата во оваа лига. Имавме претходно добри натпревари на кои несреќно загубивме. Она што најмногу ме радува е што имавме сериозен пристап, што со изменет ростер на играчи победивме една екипа што игра се подобро и подобро. Игор Кесар беше брилијантен на денешниот меч, но не сакам да го издвојам бидејќи сите играчи одработеа максимално и дадоа подеднаков придонес за победата. Ова беше тимска победа на Пелистер“, изјави Илиевски по мечот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
