Вардаровите навивачи „Комитите“ искажаа отворен револт од играта на своите миленици на денешниот натпревар против Охрид на стартот од пролетниот дел од сезоната во Втората лига – Запад.
Вардар на гостувањето во Охрид ремизираше без голови, по што сега црвено-црните се на минус од пет бода во однос на второпласираната Воска спорт, а цели 12 бода зад водечкиот Силекс.
Токму поради тоа „Комити“ испратија порака до фудбалерите и раководството на клубот…
„На трибини прва лига, на терен недостојни ни за второлигаши! Штетата е направена, Вардар е доведен во подредена положба, и веќе нема никаква контрола над ситуацијата на табела, и натамошниот дел од првенството. ‘Бидете спремни на долг престој во Втората лига’ – тоа е пораката која ни ја испратија со оваа голема НУЛА!“ – велат „Комити“ по гостувањето во Охрид каде дадоа максимална поддршка за својот клуб.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
