ТФТ стигна до првиот трофеј во својата историја откако во финалето од Купот на Македонија кој од претходната сезона го носи називот на легендата на македонската кошарка, Благоја Георгиевски – Буштур славеше над МЗТ Скопје со 80-66.
Признанието за најкорисен играч на турнирот му припадна на Амир Смит, Американецот од „црно-белите“ редови кој финалнот меч го заврши со дабл-дабл учинок од 12 поени и 17 скока од кои шест во нападот.
Центарот на клубот од Тафталиџе беше одличен во текот на целиот турнир. Четвртфиналниот натпревар против Пелистер го заврши со дабл-дабл од 15 поени и 10 скока, додека во полуфиналето на 13. поени додаде и 8 скока.
Со тоа Смит влезе во елитно друштво во мак-баскетот како петти странец кој стигнал до ова признание. Покрај него тоа го освојуваа и Карлос Морбан во финалето во 2007 година, Марко Луковиќ во 2016 година, Доминик Мавра година подоцна и Чавдар Костов во 2019 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
