Македонската кошаркарска репрезентација денеска од 16 часот во Тбилиси против Грузија ги продолжува квалификациите за Светското првенство 2023. Во вториот прозорец на ФИБА „црвено-жолтите“ два пати ќе се сретнат со оваа репрезентација, барајќи ја првата победа на патот кон Мундијалот.
Поради повреди повторно нема да настапиме со полн состав, а шанса ќе добијат поголем број на млади кошаркари. Еден од нив е Андреј Митревски, 18-годишниот кошаркар на Феникс 2010 кој вели дека момците ќе дадат се од себе против фаворизираниот противник.
„Настапот за националниот тим е желба на секој млад играч. Се наоѓаме во процес на смена на генерации во која младите треба да имаат поголем удел во тимот. Грузија е квалитетна екипа која игра добра кошарка, можеби нема да настапат со најдобрите играчи кои настапуваат во Евролига, но не треба нас да не засега тоа. Ќе дадеме се од себе и кај нив и кај нас па што биде нека биде“, вели Митревски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
