МЗТ Скопје во четвртиот обид да стигне до „елитата“ на регионалната кошарка може да има помош од своите навивачи со оглед на тоа што Скопје е еден од тритте кандидати за организатор на овогодишното издание на завршницата на АБА2 заедно со Сараево и Белград.
Одлуката за тоа кој ќе биде организатор ќе биде познат во периодот помеѓу осми и десетти март, а завршниот турнир ќе се одржи во средината на месец април.
„Аплицирањето за завршниот турнир ќе се одлучува во наредните денови по состанувањето на раководството на лигата и сеуште не знаеме дали нам ќе ни се додели. Ривали за тоа ни се Сараево и Белград. Имаме реални шанси, но одлуката ќе биде позната од осми до десетти март. Завршниот турнир ќе биде 11, 15 и 17 април“, изјави спортскиот директор Филип Ѓоревски.
МЗТ Скопје во првата година во АБА2 настапот го заврши како вицешампион, а потоа го разигрувањето со Задар не успеа да слави во две победи и покрај тоа што направи „брејк“ на гостински терен. Во втората година поради Ковид-19 не доби шанса да се избори за место во плејофот, додека минатата година настапот го заврши во четвртфиналето каде за противник во двомечот го имаше Младост Земун.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
