Македонскиот стопер Дарко Велковски е пред заминување од Ријека, и следната сезона ќе има нов ангажман. Репрезентативецот на Македонија веќе четири години е дел од овој хрватски тим, му истекува договорот на лето, и како слободен ќе може да оди во друга средина.
Хрватскиот тим е во дилема дали да му понуди нов договор, но како што пренесуваат медиумите, веројатно тимот нема да му понуди нова соработка, и ќе го пушти како слободен играч.
Тој во минатото играше за Вардар и Работнички. Со Вардар обезбеди пласман во Лигата на Европа, по што направи трансфер во Ријека.
Во зимскиот преоден рок беше пред трансфер во Малме, а имаше интерес и од Трабзонспор и од АЕК.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
