Рафаел Надал едвај „преживеа“ на патот до четвртфиналето на Ролан Гарос. Големиот шампион по пет сета го надигра Феликс Оже-Алијасим, човекот кој моментално го тренира неговиот вујко Тони Надал.
По мечот главниот тренер на Канаѓанецот даде изјава која за многумина е шокантна и понижувачка.
„Феликс е Феликс, но јас навивав за мојот внук. Сакав тој да победи. За нас овој турнир секогаш ќе биде нешто посебно“, изјави Тони.
Јавноста е згрозена од овие зборови на првиот тренер на младиот Оже-Алијасим, кој попушти во завршницата и не успеа да направи изненадување против шпанскиот ас.
Надал за да се пласира во уште едно полуфинале на турнирот во Париз ќе мора да го победи Новак Ѓоковиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
