Младата репрезентација на Македонија до 21 година е во Скопје, каде што интензивно се подготвува за предизвикот што ја очекува во рамките на квалификацискиот циклус за пласман ЕП 2023 во Романија и Грузија.
Во првиот дуел од јунските квалификации, во Скопје гостува незгодната селекција на Ерменија. Натпреварот од 9. коло во групата Х од квалификациите, Македонија и Ерменија ќе го одиграат на тренинг центарот „Петар Милошевски”, на 2. јуни, со почеток од 17 часот.
Избраниците на селекторот Драги Канатларовски во полн ритам и одлична атмосфера на тренинг центарот „Петар Милошевски” ги реализираат финалните подготовки пред мечот со Ерменците. По овој натпревар Македонија потоа ќе го одигра и последниот натпревар од квалификациите, против Украина во Истанбул.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
