Челниците на Баерн Минхен како полека да се помируват со фактот дека ќе останат без услугите на Роберт Левандовски, кој вчера најави дека тешко ќе го носи дресот на „Баварците“ и идната сезона.
Но, од таборот на најтрофејниот германски тим не седат со скрстени раце. Веднаш се пуштија во барање на негова замена, а сега најновите информации велат дека „мета“ е Ромело Лукаку, напаѓачот на Челси.
Сепак, треба да се има во предвид дека Лукаку по секоја цена сака да се врати во Интер, и мисијата на Баерн ќе биде многу тешка. Италијанските медиуми, пак, велат дека Лукаку ќе се врати на „Сан Сиро“, со тоа што Интер е подготвен да го испрати Лаутаро Мартинез во Лондон, и потоа на негово место да го донесе бесплатниот Паоло Дибала.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
