Македонскиот ракометен голман Никола Митревски се најде во изборот за најдобар голман сезонава во Лигата на шампионите.
Нашиот интернационалец и сезонава беше еден од најдобрите ракометари на Порто, па сосем заслужено се најде во страшно силната конкуренција на голманската позиција во елитното натпреварување.
„Им благодарам на соиграчите, стручниот штаб и фановите што ми помогнаа да бидам номиниран меѓу најдобрите“, изјави Митревски.
Во конкуренција за најдобар голман , покрај Митревски, номинирани се и: Никлас Ландин (Кил), Бенјамин Буриќ (Фленсбург), Андреас Волф (Кјелце), Гонзало Перез де Варгас (Барселона) и Родриго Коралес (Веспрем).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
