ЕКИПА во Гибралтар
Давид Бабунски повторно доби можност за настап во националниот тим. По оние 30 минути во Бугарија, Давид повторно со игра и во второто полувреме на гостувањето во победата од 0-2 во Гибралтар.
Бабунски го нагласува задоволството што повторно е со момците од репрезентацијата, верувајќи дека Македонија во иднина ја очекуваат уште многу успеси.
„Нема да се повторувам со соиграчите, но секако се согласувам дека победата од ова гостување е најважна затоа што теренот за игра и условите воопшто на овој стадион се навистина лоши. Но, успеавме во планираното да заминеме од тука со трите бода“ – вели Бабунски и дополнува:
„Задоволство ми е што повторно сум во репрезентацијата. Добро ги познавам сите соиграчи и нема апсолутно никаков проблем во адаптацијата и околу барањата со селекторот со кого долго соработувавме и во младата репрезентација. Милевски е тренер кој умее да го извлече најдоброто од мене. Гибралтар е зад нас, а сега максимално се фокусираме на дуелот со Грузија каде исто така ќе атакуваме на победа“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
