Сосема очекувано, македонскиот селектор Благоја Милевски со сериозен број измени во стартниот состав во однос на претходниот натпревар со Грузија, ќе го очекува денешниот дуел од 4. коло во Групата 4 од Ц-Лигата на нации против Гибралтар.
Дури седум измени има во почетниот состав во однос на дуелот против Грузијците. Комплетно е променета дефанзивата, па сега на голот ќе биде Дамјан Шишковски, а пред него Тодороски како десен бек, Зајков и Серафимов како централни дефанзивци и Кире Ристевски на левата бековска позиција.
Во средниот ред, како последни играчи за врска Барди и Николов, заедно со Елиф Елмас, а во нападот на крилните позиции Чурлинов и Алиоски, заедно со Бојан Миовски на местото на досега стандардниот Милан Ристовски.
Натпреварот меѓу Македонија и Гибралтар на арената „Тодор Проески“ во Скопје почнува во 18 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
