Ѕвездата на Пари Сен Жермен и напаѓач на Бразил, Нејмар би можел ова лето да се приклучи на Јувентус, открива „Калчомеркато“.
Новиот спортски директор на ПСЖ, Луис Кампос, стапил во контакт со раководството на торинскиот клуб и му понудил да го ангажира 30-годишниот фудбалер. Се истакнува дека ПСЖ е подготвен да подмирува дел од платата на Бразилецот.
Францускиот клуб сака да го олесни платниот список и да се раздели со дел од екстремно скапите фудбалери. Нејмар настапува за ПСЖ од 2017 година, кога премина од Барселона за рекордни 222 милиони евра. Неговиот договор со парижаните е до 2025 година.
Бразилецот минатата сезона во Лига 1 на 22 натпревари постигна 13 гола и забележа шест асистенции.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
