Продолжува сагата околу трансферот на Пауло Дибала, кој никако не може да најде нов клуб по заминувањето од Јувентус. Трансферот со Интер се искомпликува во „пет до дванаесет“, а каталонскиот весник „Спорт“ објави дека Аргентинецот бил одбиен од Барселона. Заменик капитенот на Јувентус наводно се понудил на каталонскиот клуб, но спортскиот директор Жорди Кројф и тренерот Чави му одговориле дека не се заинтересирани.
28-годишниот фудбалер е во потрага по клуб, откако му истече договорот со Јувентус, а сега најблиску е да се пресели во Милано. Интер беше многу блиску до неговиот потпис, а сега во игра е шампионот Милан, како и тимот на Рома, па Дибала веројатно ќе остане во Италија.
За Јувентус, Дибала одигра 293 натпревари и постигна 115 голови. Освои пет шампионски трофеи, како и четири Купа на Италија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
