По втората фаза од продажбата, бројот на продадени билети за Светското првенство во фудбал е 1.200.000, потенцираше генералниот секретар на Организациониот одбор Хасан Ал Тавади. Интересот е огромен, а за тоа сведочат и продадените билети.
Организаторите на Мундијалот претходно објавија дека се регистрирани вкупно 40 милиони барања за влезници, од кои 17 милиони во првата и 23 милиони во втората фаза.
„Мислам дека побарувачката е на рекордно високо ниво. Луѓето купуваат и со нетрпение очекуваат да дојдат“, рече Ал Тавади на Катарскиот економски форум во Доха.
За потсетување, Светското првенство во Катар ќе биде оддржано од 21 ноември до 18 декември.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
