Хрватска го доби големиот ватерполо „супер-класик“, против Србија откако во четвртфиналето на Светското првенство кое се одржува во главниот град на Унгарија, Будимпешта славеше со 14-12.
Првата четвртина помина во неверојатна борба во базенот, во која голманите доминираа, а по осум минути игра двете репрезентации успеаја да постигнат само по еден гол (1-1). Во втората четвртина ватерполистите успеваа да погодуваат, а Хрватите на полувреме заминаа со минимална предност од 5-4.
Во третиот период Хрватите побегнаа на три гола позитива, но со добра игра во финишот Србија успеа да остане на само минус еден (10-9), пред последните осум минути од натпреварот. Во последната четвртина Хрватите одиграа далеку подобро од својот противник и на крајот стигнаа до конечен триумф од 14-12.
Во полуфиналето Хрватска го чека подобриот од мечот меѓу Шпанија и Црна Гора.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
