Кантер страјк репрезентацијата на Македонија го освои европското првенство откако во финалето славеше над тимот на Украина, 2-1.
Во големото финале Македонија преку пресврт, првата мапа „Даст 2“ им припадна на Украинците, но во продолжение на „Мираж“ и „Вертиго“ славеа нашите репрезентативци.
На „Кантер Страјк Глобал Офенсив“ нашите „кантераши“ со леснотија стигнаа до златниот медал и ги обединија најпрестижните титули во овој спорт. Претходно, триумфираа во Европскиот Куп на нации, а пред осум месеци станаа светски прваци.
Павле Стојановски, Даниел Глигоров, Александар Кјулукоски, Дамјан Стоилковски и Јане Апостоловски, се момците кои ја израдуваа Македонија со злато.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
