Крај на шпекулациите, Милан почна преговори со Рафаел Леао за продолжување на меѓусебната соработката. „Росонерите“ не планираат по ниту една цена да се откажат од 23-годишниот Португалец, кој пристигна на „Сан Сиро“ пред две години, а оваа сезона буквално „експлодира“ и беше избран за МВП на сезоната во Серија А.
Милан сака да го „блиндира“ со нов договор и му понудил четири пати зголемување на платата и откупна клаузула од 200 милиони евра.
„Газета дело Спорт“ пренесува дека преговорите се во напредна фаза и дека Милан му понудил 6 милиони евра по сезона до 2027 година, а Португалецот во моментов заработува 1,5 милиони евра годишно.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
