Јувентус продолжува со потписи на нови фудбалери за наредната сезона, па „старата дама“ по Анхел ди Марија и Пол Погба, денеска го официјализираше трансферот на Андреа Камбијасо.
Станува збор за млад и исклучително талентиран фудбалер кој настапува на бековската позиција, Камбијасо минатата сезона дебитираше за Џенова и со одличните партии за оваа екипа го привлече вниманието на челниците на „старата дама“. Тој ќе му се стави на располагање на тренерот Алегри во подготвителниот период, но не се исклучува можноста да замине на едногодишна позајмица, најверојатно во Болоња, која веќе испрати понуда за да го доведе во своите редови.
Јувентус плати 8,5 милиони евра за да го осигура потписот на овој италијански фудбалер. Истовремено, „старата дама“ во одделен трансфер го испрати Драгушин во Џенова, за сума од пет милиони евра.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
