Манчестер Сити подготовките за новата сезона ќе ги започне во САД каде силите ќе си ги одмери со Клуб Америка и Баерн Минхен во пресрет на првата битка за трофеј против Ливерпул во „Комјунити шилдот“, а за овие натпревари Пеп Гвардола нема да смета на три фудбалери кои не се вакцинирани против Ковид-19.
Станува збор за Фил Фоден, Џон Соунс и Икај Гундоган кои не ги задоволуваат критериумите за влез во северноамериканската држава и истите наместо со првиот тим, ќе заминат во Хрватска каде ќе ги одработат подготовките со вториот тим на „граѓаните“.
Добра вест за шпанскиот стратег е тоа што новите засилувања Ерлинг Халанд, Кавлин Филипс и Јулијан Алварез се наоѓаат на списокот на патници заедно со Олександар Зинченко кој води преговори за промена на средината и премин во редовите на Арсенал.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
