Јоги Ферел, американскиот кошаркар кој во иднина најверојатно ќе го облече дресот на македонската кошаркарска репрезентација денеска официјално го продолжи договорот со словенскиот шампион Цедевита Олимпија и ќе настапува против македонскиот првак МЗТ Скопје во АБА лигата.
Дваесетидевегодишникот пристигна во Љубљана во декември 2021 година, одигра 22 натпревари во дресот на „змајчеги“ во АБА лигата, а во просек бележеше 12.6 поени, 3.4 асистенции и 2.4 скока. Бекот имаше забележливи настапи и во Еврокупот каде оствари просек од 15.3 поени, 4.7 асистенции и 2.6 скока на 15 одиграни средби па ја доби довербата на Словенците и за новата сезона.
Фарел се очекува да го наследи Џејкоб Вајли на местото на натурализиран играч во дресот на Македонија, а и покрај тоа што беше најавуван како нов репрезентативец за престојните натпревари против Данска и Словачка во претквалификациите за Европското првенство 2025, според последните информации нема да биде дел од „прозорецот“ во месец август.
Yogi Ferrell ostaja v Ljubljani! 💚🧡#ZmajevoSrce | @YogiFerrell11 pic.twitter.com/0tPlLpiZNC
— Cedevita Olimpija Ljubljana (@KKCedOL) July 20, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
