Данскиот репрезентативец Ифе Линдберг е ново засилување на Виртус Болоња, потврди италијанскиот клуб. Бекот во евролигашот доаѓа од редовите на Феникс Санс каде помина дел од претходната сезона, а со себе носи големо искуство од настапите за Манреса, Тенерифе и ЦСКА Москва.
Засега останува непознато дали 27-годишникот ќе настапи за данската репрезентација против Македонија во претквалификациите за Европското првенство 2025 на натпреварот кој ќе биде одигран во месец август, но јасно е дека тој претставува најопасното оружје на скандинавскиот противник.
Како потсетување, токму Линдберг беше најзаслужниот за сензационалните победи на Данска над Литванија и Чешка во квалификациите за Евробаскетот 2022, натпревари на кои постигна 28, односно 38 поени.
🔊 GABRIEL LUNDBERG IN BLACK AND WHITE ⚪️⚫️
Welcome Iffe 😎#WatchUs pic.twitter.com/9oB4Hh1wtx
— Virtus Segafredo Bologna (@Virtusbo) July 21, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
