Најдобрата македонска тенисерка Лина Ѓорческа забележа голем скок на ВТА ранкингот, откако успеа да запише одличен пласман и финале на турнирот од ИТФ серијата во Оломуц, Чешка.
Тетовчанката во финалето беше поразена од Сара Бејлек која има 16 години и важи за огромна надеж на чешкиот тенис. Сепак, и покрај поразот и фактот дека остана без трофејот, Ѓорческа забележа подем од 27 позиции на ранг-листата.
Така, на денешното рангирање најдобрата македонска претставничка се најде на 239. место, откако досега беше на 266. Во својата кариера Ѓорческа само двапати имаше подобар ранкинг. Најдобар пласман на Македонката е 170 место во јуни 2017 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
