Напаѓачот на Дортмунд, Себастиен Халер (28) е успешно опериран откако лекарите дијагностицираа дека е заболен од тумор на тестисите. Ова го потврди спортскиот директор на Борусија, Себастијан Кел.
На почетокот на минатата недела Халер го напушти тренинг кампот откако се пожали дека не е добро.
„Тој ден се се промени … Во такви моменти е многу важна психата на човекот, а Халер е фудбалер кој е стабилен психички, тој е спортист кој е научен постојано да се бори на теренот. Ова се моменти кога за него и неговото семејство нема поважна работа во животот, период кога разбираш дека здравјето е пред се’. Тој беше супер стабилен и позитивен“, изјави лекарот Кел.
Голгетерот на Борусија Дортмунд претходно се огласи на социјалните мрежи по операцијата и им се заблагодари на сите за подршката.
„Здраво на сите, сакав само да ве информирам дека првиот чекор е комплетиран. Би сакал да му се заблагодарам на медицинскиот тим на Борусија Дортмунд, кој беше исклучителен со мене. Големо благодарам и до медицинските сестри во болницата на нивната подршка“, напиша фудбалерот од Брегот на слоновата коса.
Инаку, Халер ова лето го напушти Ајакс и за сума од 35 милиони евра потпиша за Борусија како замена за Норвежанецот Ерлинг Халанд.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
