Македонскиот репрезентативец Милан Ристовски со Спартак Трнава ќе игра во 3. квалификациско коло од Конференциската лига откако неговиот тим го елиминираше Њутаун.
Трнава победи и на вториот дуел на кој не настапи македонскиот напаѓач.
Во следната квалификациска рунда од Конференциската лига ќе игра и репрезентативецот Никола Серафимов со унгарскиот МОЛ Фехервар, кој ја елиминираше азербејџанска Габала. Серафимов го одигра целиот дуел на гостувањето во Азербејџан на кое неговиот тим загуби со 2-1, но по победата од 4-1 во Унгарија, МОЛ Фехервар продолжува понатаму.
И Јасир Асани и Марио Илиевски со својата Кишварда ќе играат во следната рунда откако и на реваншот, со идентични 1-0, славеа против Алмати од Казахстан. Асани настапи до 80. минута на средбата, а Илиевски ги одигра последните 20 минути за унгарскиот тим.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА