Почетокот на ракометниот светски шампионат за кадетки, на кој домаќин е Македонија, донесе неочекувани проблеми откако неколку селекции поради проблеми со конекциите со летовите задоцнија со пристигнувањето во Скопје.
Доцна попладнево во Скопје пристигна и првиот противник на македонската кадетска селекција, репрезентацијата на Сенегал, поради што натпреварот кој првично требаше да се игра од 20:30 часот ќе стартува од 21:30 часот.
„Ве информираме дека натпреварот со селекцијата на Сенегал во рамки на кадетскиот Мундијал предвиден за 20:30 часот, се одложува за еден час, односно почетокот е во 21:30 часот“ – информираа официјално од Ракометната федерација на Македонија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
