Баерн Минхен си „поигруваше“, но го освои Суперкупот на Германија

Со натпреварот од Суперкупот традиционално се отвора новата сезона во Германија во која се чини Баерн ќе продолжи со доминацијата.

Баварскиот тим дојде до трофејот во Суперкупот со триумф од 5-3 против Лајпциг, иако „поигрувајќи си“ си дозволи од предност од 3-0 и 4-1, да дојде до ситуација на крајот да се бори да ја брани победата.

Баерн поведе во 14. минута со одличен погодок на младиот Мусиала, а потоа во центарот на вниманието се најде Садио Мане. Во официјалното деби за новиот клуб, големото засилување во 31. минута успеа да постигне прв гол за Баерн за водство од 2-0…