Роберт Левандовски се уште е без погодок на првите натпревари што Полјакот ги одигра во дресот на Барселона, а фрустрациите беа очигледни по неколкуте промашени шанси на синоќешниот меч со Њујорк Ред бул.
Сепак, суперзасилувањето од Баерн Минхен ја има поддршката од соиграчите, како и од тренерот Чави, кој не се сомнева дека Левандовски во најскоро време ќе влезе во топ-форма.
„Сите ги бројат само головите, но Левандовски е значаен играч за нас и кога не постигнува погодоци. Секако, исфрустриран е бидејќи сака што поскоро да биде во ритам, но се сеќавам дека таков беше и Луис Суарез кога дојде првпат и се соочи со слични проблеми. Тоа се играчи од највисока класа, кои сакаат секогаш да погодуваат и да победуваат. Јас не се сомневам дека целата ситуација ќе се промени по првиот гол што ќе го постигне“, изјави Чави.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
