Вечерва се одиграа пет натпревари во 3. квалификациско коло во Лигата на шампионите. Веќе претходно беше познато дека Динамо Загреб го совлада тимот на Лудогорец во Разград со 1-2, додека важна победа оствари и Плзен на гостувањето кај Шериф со истиот резултат.
Дербито меѓу Монако и ПСВ заврши без победник 1:1. Холандскиот тим имаше водство на полувремето со голот на Верман, а израмни Дисаси во 80. минута.
Блиску до плеј-офот е тимот на Ројал Унион од Белгија, кој го изненади финалистот во Лигата на Европа, тимот на Глазгов Ренџерс победувајќи го со 2-0. Теума и Ванзеир од пенал беа стрелци на головите.
Бенфика е најсигурен патник во следната фаза, откако вечерва на свој терен го совлада дански Митјиланд со 4-1. Португалците победија благодарение на трите гола на Рамос, а еден гол постигна Фернандез. Данците само намалија преку Систо од белата точка во 77. минута.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
