Словенија ќе биде дополнително засилена за претстојниот европски шампионат откако Горан Драгиќ објави дека е подготвен повторно да го облече репрезентативниот дрес, само неколку месеци откако беше испратен во пензија од националниот тим.
Извонредниот плејмејкер во јунските квалификации за СП објави дека ја завршува репрезентативната кариера, но иако има 36 години, тој изрази подготвеност да помогне на словенечкиот состав и на претстојниот Евробаскет.
„Се вратив“, објави Драгиќ на својот профил на социјалните мрежи, со фотографија од репрезентативниот дрес и освоениот трофеј на последниот европски шампионат.
Само за потсетување, Драгиќ е најзаслужен што Словенија е актуелен европски првак откако во големото финале против Србија постигна неверојатни 35 поени и ја доби наградата за МВП на шампионатот.
I’M BACK ….. 🇸🇮🇸🇮🇸🇮 #TheDragon 🐲🔥 @kzs_si @EuroBasket pic.twitter.com/ebV1VnnqM6
— Goran Dragić (@Goran_Dragic) August 5, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА